Sarah (part 14)  

Posted by: shellysiidamit

Sarah: antah lah Sya. P bila ada ia, macam happy Sarah sama ia. Rasa ingin mau dekat sama ia. Tapi antah, kaka suka sebagai kawan saja.

Allisya: bohhh. Na g lama becinta ne. Hahaha.

Sarah: becinta? Eee . . . Na mau. Sarah ane na jua pernah beromance.

Allisya: aiii . . . Indakan? Tu ikut ja macam cerita P.Ramlee ah. Suweet jua tu.

Sarah: kau ganya tu, Sya. Sarah indaeh.

Inda batah atu ada tia yang ngatuk pintu bilik Sarah.

Sarah: masuk.

Amahnya yang ngatuk pintu.

Amah: mba, ada yang mau jumpa mba Sarah.

Sarah ane pun leat Allisya. Banggang ya ne. Turun tah ya kebawah, kan mahu tahu shapa kah yang ingin mahu berjumpa dengan Sarah ane.

Keluar tah ya, diliatnya sii Reza. Kabakabak ya tarus ne.

Sarah: napa Za?

Reza: nada, saja kan jumpa Sarah. Rindu Sarah bah.

Sarah: apadihhh. Buang tabiat kali Reza ane.

Reza: hahaha. Nadalah. Sarah free malam karang?

Tekajut Sarah tarus yang Reza betanya cematu. Senyum ya tarus.

Sarah: awu kali, napa?

Reza: Reza kan bawa Sarah liat wayang. Mau?

Sarah pun tediam and mikir ia. Dalam hati Sarah, 'my God, ia bawa aku liat wayang? Canane ah, mau inda?'

Sarah: okay. Pukul berapa?

Reza: at 7oclock Reza aga Sarah. Okay.

Sarah: okay.

Reza: see you later. Bye.

Sarah: bye.

Balik tah sii Reza. Sarah ane pun belari keatas. Masuk ya kedalam biliknya. Mencari pakaiannya. Mau jua ya kan belawa atu. Allisya yang maseh g dibilik Sarah atu, tekajut ya meliat Sarah perabut masuk dalam. Macam kan bubut hantu saja.

Allisya: napaeh?

Sarah: karang Reza bawa liat wayang ah. Na Sarah tau kan pakai baju apa.

Allisya: whaaa . . . Maju nampak.

Sarah: erghhh, cemana ne? Pakai apa bisai? Baju kurung?

Allisya: buang tabiat kau, Sarah? Pakai seluar jeans and tshirt saja bah.

Sarah: eh? Nampak aurat tia. Sarah betudung ne.

Allisya: adihhh. Cane ja Sarah, Sarah mandi sha dulu. Biar Al tulung Sarah pakai baju apa, k. No worry.

Sarah ne pun leat sii Allisya.

Allisya: go, mandilah. Biar Al ja yang pilih kan. Okay.

Sarah: aaaa . . . Okay.

Sarah ane pun ambil tualanya. Mandi tah ya ne. Allisya milih pakaian tuk sii Sarah.




To be continued . . .

This entry was posted on 8:55 PG . You can leave a response and follow any responses to this entry through the Langgan: Catat Ulasan (Atom) .

0 comments

Catat Ulasan