Sarah (part 4)  

Posted by: shellysiidamit

Sarah ane pun gelitik kaki bapanya. Bapanya ane pun maseh na bangun. Tapi kegelian pulang bapanya atu. Gelitik punya gelitik, cuba bapanya tandang. Tekana muka Sarah.

Sarah: ADOOOOOOOIIIIIIII*teriak*

Tebangun bapanya. Diliatnya Sarah. Tekajut ya meliat Sarah atu nutup hidungnya pakai tangan. Diaganya tia.

Bapa: napa Sarah? (panik)

Sarah: babah tandang muka Sarah ah. Ngalih Sarah bangun kan babah sembahyang subuh.

Bapa: inda babah sadar lai.

Sarah: berusaha Sarah sampai gelitik kaki babah ah. Tautau kana tandang. Subhanallah.

Bapa: eh? Yakah? Babah pikir toyol gelitik kaki babah mau babah bangun.

Sarah: adakah toyol. Sakit ne hidung Sarah ah. (kan ketawa ya leh bapanya, tapi tahankannya)

Bapa: sorry. Na sengaja. Bahbahbah. Bewudhu tane.

Dijaling bapanya, tapi dalam hati tawatawa.

Bewudhu tah durang. Then sembahyang. Selesai sembahyang, kedapur tah Sarah buat sarapan tuk bapanya. Bapanya mandi.

Selesai saja bapanya mandi, bepakaian and beharum. Pastu, turun kebawah ya. Breakfast.

Menunggu tah bapanya ane kan sarapan dari anaknya. Dudukduduk ya sambil menyanyi lagu Mawi.

Keluar tah Sarah dari dapur sambil bawa makanan sarapan bapanya. Diampainya atas meja.

Bapanya tekajut meliat makanan yang sii Sarah masak.



To be continued . . .

This entry was posted on 8:32 PG . You can leave a response and follow any responses to this entry through the Langgan: Catat Ulasan (Atom) .

0 comments

Catat Ulasan